Украинанинг НАТОга аъзо бўлиши масаласи кун тартибида эмас

Рубио: Украинанинг НАТОга аъзо бўлиши масаласи кун тартибида эмас.

АҚШ давлат котиби Марко Рубио Украинанинг НАТОга аъзо бўлиш масаласи ҳозирда кун тартибида эмаслигини билдирди.

Рубио Исландияда журналистларга берган интервьюсида Украина НАТО аъзоси бўлиши керак, деб ҳисоблайсизми, деган саволга жавоб берар экан, “Ҳозирги вақтда Украинанинг НАТОга аъзо бўлиши масаласи кун тартибида эмас”, деди.

НАТО бош котиби Марк Рютте ҳам 2 июль куни Украина ҳозирча Шимолий Атлантика альянсига қўшилиш истиқболига эга эмаслигини айтган эди.

Аввалроқ Россия президенти Владимир Путин Украинанинг бетараф мақоми Россия учун мақсад бўлиб қолаётганини билдирган ва бу мақом Украина Давлат суверенитети тўғрисидаги декларацияда қайд этилганини таъкидлаган.