Украиналиклар Жаҳон чемпионатини бойкот қилади

Украина дзюдо федерацияси июнь ойида Будапештда бўлиб ўтадиган жаҳон чемпионатида иштирок этишдан воз кечганини маълум қилди.

Улар бунга сабаб қилиб буларуслик спортчиларга миллий байроқларда иштирок этиш ҳуқуқи берилганини ваъж сифатида кўрсатишди.

Аввалроқ Беларус олимпия қўмитаси 1 июндан бошлаб дзюдочилар мамлакат байроғи остидаги турнирларда қатнаша олишини маълум қилганди.

Шундан сўнг Украина дзюдо федерацияси халқаро дзюдо федерацияси билан боғланди ва уларга ХОҚнинг нейтрал мақом бўйича тавсияларига риоя қилиш муҳимлигини эслатди. Яъни беларусларга берилган рухсат бўйича ўз шикоятларини киритди.

Бунга жавобан халқаро дзюдо федерацияси спортни “девор эмас, кўприклар қуриш учун мулоқот, бирлик ва тушуниш платформаси”га айлантирмоқчи эканлигини айтди.