Германия канцлери Фридрих Мерц Украинага Европа Иттифоқида «ассоциациялашган аъзо» мақомини бериш ғоясини илгари сурди. Бу таклифга кўра, Киев Европа парламенти ва Еврокомиссияда иштирок этиши мумкин, аммо овоз бериш ҳуқуқисиз.
Украина президенти Владимир Зеленский эса Европа лидерларига йўллаган мактубида бу таклифни «адолатсиз» деб атади. Унинг таъкидлашича, Украина Европа Иттифоқида иштирок этиб, аммо қарор қабул қилишда сўз ҳуқуқига эга бўлмаслиги қабул қилиб бўлмайди.
Зеленский ҳозир Украина учун ЕИга тўлиқ аъзолик сари ҳаракат қилишнинг энг муҳим пайти эканини қайд этган. Шунингдек, у Венгриянинг собиқ бош вазири Виктор Орбаннинг кетиши Киев ва Брюссель ўртасидаги музокаралар учун янги имконият яратганини айтди.
Украина 2023 йил охиридан бери расман Европа Иттифоқига номзод давлат мақомига эга. Бироқ амалда аъзолик бўйича тўлиқ музокаралар ҳали бошланмаган.
Мактабларда «Сўнгги қўнғироқ» тадбирлари қачон ўтказилиши маълум бўлди
Президентнинг янги қарори қабул қилинди
Дунёдаги энг йирик олтин ишлаб чиқарувчи давлатлар йиллик тонна ҳисобида кўрсатилди
