Украина ва АҚШ ўртасида келишмовчиликлар бор

Зеленский Украина ва АҚШ ўртасида Донбассдан украиналик ҳарбийларни олиб чиқиш масаласида келишмовчиликлар борлигини билдирди.

"Қўшма Штатлар, Россия ва Украинанинг ўз қарашлари бор. Бизда Донбасс масаласида ягона нуқтаи назар йўқ", — деди Украина президенти Bloomberg'га берган интервюсида.

Шунингдек, Украина етакчиси, аввало АҚШ ва бошқа иттифоқчилар билан ишончли хавфсизлик кафолатларига доир алоҳида келишув тузишни талаб қилаётганини айтди.

"Мен ва барча украиналиклар жавоб олишни истайдиган битта савол бор: агар Россия яна уруш бошласа, бизнинг ҳамкорларимиз нима қилади?", — деди Зеленский.

Аввалроқ Bloomberg агентлиги Европа етакчилари Зеленскийни Қўшма Штатлардан жиддий хавфсизлик кафолатлари олмасдан Трампнинг тинчлик режасига рози бўлмасликка, шунингдек, Донбассдан Украина қўшинларини олиб чиқмасликка кўндираётганини хабар қилганди.