Украина учун нейтрал мақом Россиянинг мақсадларидан бири бўлиб қолмоқда

Россия президенти Владимир Путин Украинанинг нейтрал мақоми Россиянинг мақсадларидан бири бўлиб қолаётганини билдирди.

Путин бу ҳақда «Валдай» халқаро муҳокама клубининг ялпи мажлисида модераторнинг Россия Украина учун нейтрал мақомни ҳануз мақсад қилиб қўяётган-қўймаётгани ҳақидаги саволига жавоб берар экан айтди.

«Ҳа», — деди Путин. У Украина мустақилликка эришган пайтда нейтрал мақомни эълон қилганини таъкидлади.

Путиннинг сўзларига кўра, Украина мустақилликни айнан шу декларация асосида олган ва унда мамлакат нейтрал давлат экани кўрсатилган.