Украина Италия ва Европа Иттифоқининг бошқа асосий иттифоқчиларига Рим папаси Францискнинг дафн маросимига дунё етакчилари келиши муносабати билан Россия билан можарони ҳал қилиш бўйича саммит ташкил этиш таклифи билан мурожаат қилди.
Бу ҳақда Италиянинг La Reppublica нашри ёзмоқда.
Газетанинг ёзишича, Украина Италия ва бошқа европалик ҳамкорларига Украина бўйича кенгроқ саммит ташкил этиш илтимоси билан дипломатик каналлар орқали мурожаат қилган. Гап шунчаки АҚШ ва Украина президентлари Дональд Трамп ва Владимир Зеленский ўртасидаги музокаралар ҳақида эмас, балки АҚШ, Италия, Франция, Буюк Британия ва, эҳтимол, Германияни ўз ичига оладиган "Квинт" форматидаги учрашув ҳақида бормоқда.
Қайд этилишича, Германия ҳукумати Пантифнинг дафн маросимида иштирок этадиган канцлер Олаф Шольц Римда бир қатор икки томонлама музокаралар ўтказиши мумкинлигини тасдиқлаган.
Трамп Италияга 25 апрель куни кечқурун маҳаллий вақт билан 26 апрель куни соат 10:00 га белгиланган Рим папасининг видолашув маросимида иштирок этиш учун келади. Ва Оқ уй Трампнинг икки томонлама учрашувларининг расмий рўйхатини ҳали эълон қилмаган бўлса-да, дипломатик манбалар нашрга маълум қилишича, камида учта шундай музокаралар тайёрланяпти - Зеленский, Франция президенти Эммануэль Макрон ва Буюк Британия бош вазири Кир Стармер билан.
Қозоғистон Россия билан урушга тайёргарлик кўрмоқдами ёки бу шунчаки ички чорами?
Абдуқодир Ҳусанов нега майдонга тушмаётганлигига ойдинлик киритилди. Асл муаммо нимада?
Украиналиклар қозоғистонлик ёлланма жангчиларнинг номларини эълон қилди. Қозоғистонда саросима бошланди
