Украинанинг “Колос” клуби ўз футболчиси Даниил Колесник билан шартномани бекор қилди. Бунга спортчининг ҳудудий ҳарбий сафарбарлик маркази ходимига қўл кўтаргани акс этган видео сабаб бўлган. Бу ҳақда Риа Новости нашти хабар берди.
Ижтимоий тармоқларда тарқалган кадрларда ҳарбий кийимдаги шахслар бир эркакни мажбуран автомобильга ўтқазмоқчи бўлаётгани, футболчи эса уни ҳимоя қилишга урингани кўринган. Жанжал давомида Колесник ҳарбийлардан бирининг юз қисмига мушт туширган. Қизиғи шундаки, спортчи ушбу можаро видеосини дастлаб ўзининг саҳифасига жойлаган, бироқ шов-шув кўтарилгач, уни ўчириб ташлаган.
Клуб раҳбарияти мазкур ҳолатга кескин муносабат билдирди. Расмий баёнотда айтилишича, футболчи дарҳол машғулотлардан четлатилган ва ўша куннинг ўзидаёқ “Колос-2” жамоаси таркибидан расман ҳайдалган.
Маълумот учун, Колесник жорий мавсумда клубнинг фарм-жамоаси сафида ўйнаётган эди. У жамоа таркибида 16 та учрашувда майдонга тушиб, ўз ҳисобига 6 та гол ёздириб қўйган.
Роналду қарорини бирдан ўзгартирди
Криштиану Роналду бойкотдан кейин жаҳон рекордини ўрнатди
Ҳоланд кутилмаган трансфер қарорини қабул қилди
