Роналду бўлди, футболни тугат!

Швециялик собиқ футболчи Андерс Лимпар Криштиану Роналдуга карьерасини якунлашни маслаҳат берди.

- Мен Лионель Месси ва Криштиану Роналду каби ўйинчиларга қойил қоламан.

Лекин Роналду жаҳон чемпионатидан кейин фаолиятини тугатиши керак. 41 ёшда MLSда янги босқич бошлашнинг нимага керак?

Бу осон лига эмас. Роналду, менинг сенга маслаҳатим: 1000 та гол уриб, кейин карьерангни тугат, - деди Андрес Лимпар.

Криштиану Роналду профессионал фаолияти давомида урган голлари сонини 968 тага етказган ва бу кўрсаткич билан яққол рекордчи бўлиб турибди.

Футбол жамоатчилиги португалиялик юлдузнинг гол уриш бўйича минглик маррани забт этишини кутмоқда.