“Реал” муддатидан олдин “Барса” чемпионлигини тан олди

«Реал» бор эътиборини Чемпионлар лигаси доирасидаги «Бавария»га қарши жавоб ўйинига қаратган ва ўз уйидаги 1:2 ҳисобидаги мағлубиятдан сўнг ярим финалга чиқишга ишонмоқда. Ла Лига соврини масаласига келсак, мадридликлар чемпионлик қўлдан чиқарилганига аллақачон тан бериб бўлишган. Бу ҳақда The Athletic нашри саҳифаларидаги мақолада айтиб ўтилган.

Маълумки, Испания чемпионатининг ўтган тури якунларига кўра, «Реал»нинг пешқадам «Барселона»дан ортда қолиши тўққиз очкогача етди. Олдинда яна еттита тур, жумладан, «Камп Ноу»даги «Эл-Класико» бор, бироқ мадридликлар учун каталонияликларни қувиб етиш жуда қийин бўлади.

Қайд этиш лозимки, «Барселона» Испаниянинг амалдаги чемпиони ҳисобланади.