Украина делегацияси Россия томонига музокараларнинг янги босқичини келаси ҳафта ўтказишни таклиф этди. Бу ҳақда Украина президенти Владимир Зеленский маълум қилди, деб хабар беради Россиянинг ТАСС агентлиги.
Унинг сўзларига кўра, бундай таклифни Истанбулда ўтказилган музокараларда Киев делегациясига раҳбарлик қилган Украина Миллий хавфсизлик ва мудофаа кенгаши котиби Рустем Умеров билдирган.
“Миллий хавфсизлик ва мудофаа кенгаши котиби Умеров Россия томонига навбатдаги учрашувни келаси ҳафта ўтказишни таклиф қилди. Музокаралар суръатини ошириш зарур», – деди Зеленский ўзининг телеграм-каналида эълон қилган видео мурожаатида.
17 июль куни Россия Президентининг матбуот котиби Дмитрий Песков Россия Украинадан музокараларнинг учинчи босқичи бўйича таклифлар кутаётганини маълум қилган эди.
Кейинроқ Россия Ташқи ишлар вазирлиги расмий вакили Мария Захарова Россия делегацияси Украина томони билан музокараларнинг учинчи босқичини ўтказиш учун Истанбулга боришга тайёр эканини маълум қилди. Шу билан бирга, расмий вакил Украина томонининг ушбу раундга тайёрлиги ҳақида ҳозирча ҳеч қандай маълумот берилмаганини қўшимча қилган.
Наманганлик отахон рекорд жаримани «ишлаб олди»
Айрим мактабларда қизларга юбка кийиш тақиқланди. Ота-оналар норози!
Яқин ойларда Украина янги президентга эга бўлади
