Украина ҳукумати хавфсизлик ва мудофаа кучлари учун қўшимча 5 миллиард гривна ажратди ва бу маблағ учувчисиз учоқларни сотиб олишга сарфланади. Бу ҳақда Украина бош вазири Денис Шмигаль маълум қилди.
«Бугун хавфсизлик ва мудофаа кучлари учун қўшимча 5 миллиард УАҲ ажратилди. Маблағлар фронт чизиғидаги ҳимоячиларимиз учун зарур бўлган дронларни сотиб олишга сарфланади», — деди ҳукумат раҳбари 18 март, душанба куни Телеграмъдаги каналида.
«Украинская правда» Украина иқтисодиёт вазири Юлия Свириденкога таяниб хабар беришича, бугунги кунда учувчисиз самолётлар ишлаб чиқарувчилар билан 30 миллиард гривнага яқин шартномалар тузилган ва 14 миллиард гривнага шартномалар тайёрланмоқда.
