UFC матбуот хизмати Рамазон Темиров (19-2 MMA, 2-0 UFC) 12 июнь ва 4 июль кунлари ўтказилган иккита мусобақадан ташқари тестдан ўта олмагани учун 12 ойга дисквалификация қилинганини маълум қилди.
Темиров намуналарида триметазидин (TMZ) - юрак етишмовчилиги ва бошқа кардиологик касалликларни даволаш учун ишлатиладиган тақиқланган модда аниқланди. У UFC’нинг допингга қарши рўйхатида гормонал ва метаболик модуляторлар тоифасига киради.
CSAD баёнотига кўра, дори воситаси Темировга шифокор томонидан тиббий кўрсатмалар асосида буюрилган ва у томонидан қисқа муддат давомида қўлланилган. Бироқ, жангчи модда тақиқланганлар рўйхатига киритилганлигини текширмаган, бу эса дисквалификацияга сабаб бўлган.
Шу тариқа, 28 ёшли Темиров фақат 2026 йилнинг июлида қайтиши мумкин бўлади.
Ўзбекистоннинг "ЖЧ–2026" гуруҳ босқичидаги рақиби ўзгариши мумкин
Гвардиола Ҳусанов сариқ карточка олган вазият ҳақида фикр билдирди
Элмурод Ҳақназаров бразилиялик рақибидан устун келди
