Туркманистон ва Россия газ нархи бўйича келиша олмади

Туркманистон Россияга газ етказиб беришни тўхтатди.

«Туркмангаз» ва «Газпром» Туркман газини етказиб бериш бўйича шартномани узайтирмади, чунки томонлар нарх масаласида келиша олмаган, деди Туркмангаз раҳбари Бабаев.

Шу билан бирга, у Россия Федерациясига газ етказиб беришни қайта тиклаш имконияти борлигини ҳам эълон қилди. «Бугунги кунда турли томонлардан – шимолдан, ғарбдан, шарқдан газимизга талаблар ортиб бормоқда. Биз ҳар куни турли харидорлар ва давлатлар билан музокаралар босқичидамиз, шунинг учун ҳамма нарса бўлиши мумкин», дея таъкидлади у.

2019 йилда «Газпром» «Туркмангаз»дан 5 йил муддатга – 2024 йилнинг 30 июнига қадар табиий газ сотиб олиш бўйича шартнома тузган эди.