Турк ҳамкорлик ва мувофиқлаштириш агентлиги (TİKA) Рамазон ойи муносабати билан Покистоннинг турли ҳудудларидаги 1500 муҳтож оилага озиқ-овқат ёрдами етказди.
TİKA хабарига кўра, озиқ-овқат пакетлари Равалпинди, Муридке (Панжоб) ва Оги (Хайбер Пахтунхва) шаҳарларидаги оилаларга тарқатиш учун Покистоннинг Байт-ул-Мал (PBM) хайрия ташкилотига топширилди.
Туркиянинг Исломободдаги элчиси Ирфон Незирўғли ёрдам топширилиши муносабати билан ўтказилган маросимда Анқара ва Исломобод ўртасидаги мустаҳкам дўстлик ришталарини таъкидлади. У сўнгги 15 йил ичида TİKA Покистонда 700 га яқин лойиҳани амалга оширганини эслатди.
Дипломатнинг сўзларига кўра, Туркия нафақат инсонпарварлик ёрдами, балки Покистондаги аёлларнинг иқтисодий мустақиллигини ҳам қўллаб-қувватлайди.
PBM бош директори Шаҳин Халид Бутт, покистонликлар Туркиянинг қўллаб-қувватлашини юқори баҳолаб, буни икки давлат ўртасидаги чуқур дўстликнинг ифодаси сифатида кўришини айтди.
"Кўринмас" рус дронлари Украина артиллериясини мазах қилмоқда
Россия Су-35’ларни Хитойга сотиб хато қилдими? Хитой Су-35’ларни учиш учун эмас, нусха олиш учун олган!
Иккиланмай зарба берамиз: АҚШ Россияга очиқ таҳдид қилди!
