Тўрақўрғон туманида 1,5 млрд сўмлик электр энергиясидан ноқонуний фойдаланган корхона фош этилди

Бош прокуратура штаби томонидан Наманган вилоятининг Тўрақўрғон туманида ўтказилган назорат тадбири давомида қонунбузарлик ҳолати аниқланди.

Хусусан, “О. О.” оилавий корхонасига қарашли бетон-ғишт ишлаб чиқариш цехида ҳеч қандай шартнома тузмасдан, электр тармоғига ўзбошимчалик билан уланиб, энергия ресурсидан ноқонуний фойдаланиб келингани маълум бўлди.

Ушбу қоидабузарлик натижасида, электр таъминоти корхонасига 1 миллиард 558 миллион сўмлик зарар етказилганлиги маълум бўлди.