Қўшма Штатлар ҳарбий кучлари Ҳиндистон, Малайзия ва Шри-Ланка қирғоқлари яқинида Теҳрон байроғи остида ҳаракатланаётган камида учта нефт танкерини тўхтатди ва уларни ўзлари томон йўналтирди. Вашингтон томонидан Эроннинг денгиз савдосига қўйилган блокада доирасида амалга оширилган ушбу ҳаракатлар глобал энергетик инқирозни янада кескинлаштирмоқда.
Қўлга олинган кемалар орасида хом нефт билан тўлдирилган "Deep Sea", "Sevin" ва "Dorena" супертанкерлари бор. АҚШ Марказий қўмондонлиги (CENTCOM) "Dorena" танкери блокадани бузишга урингани учун Ҳинд океанида ҳарбий эсминец кузатуви остида эканини тасдиқлади.
Ўз навбатида, Эрон ҳам Ҳўрмуз бўғозидан чиқишга уринган иккита контейнер кемасини қўлга олганини маълум қилди. Дунё бўйлаб нефт ва газ етказиб беришнинг бешдан бир қисми ўтадиган ушбу бўғоздаги кескинлик тинчлик музокараларида аниқлик йўқлиги сабаб давом этмоқда.
Эрон Исроил билан алоқа қилганлиги учун юқори лавозимли амалдорни қатл қилди
Кореяда вафот этган ўзбекистонлик қиз ҳақида расмий баёнот берилди
Абдуқодир Ҳусанов «Бернли»га қарши қандай ўйнади? (видео)
