Трампнинг Сурияга нисбатан санкцияларни бекор қилиш қарори "Ғазо бўйича жиддий қарор қабул қилолмаслик"ни яшириш учун ишлатилган

Трамп сафари давомида Ғазога "керакли даражада эътибор берилмаяпти".

Ҳамад Бин Халифа университети давлат сиёсати профессори Султон Баракатнинг таъкидлашича, АҚШ президентининг минтақага ташрифи чоғида Исроилнинг Ғазога қарши урушини тугатиш масаласи бошқа устувор йўналишлардан орқага сурилаётганга ўхшайди.

Баракатнинг фикрича, Трампнинг Сурияга нисбатан санкцияларни бекор қилиш қарори "Ғазо бўйича жиддий қарор қабул қилолмаслик"ни яшириш учун ишлатилган.

У Al Jazeera телеканалига айтишича, Ғазо масаласи "керакли шошилинчлик билан" кўтарилмаган, айниқса БМТнинг олий гуманитар амалдори шу ҳафта Исроил блокадаси фаластинликларни очликка маҳкум этаётгани ҳақида огоҳлантирганига қарамай.

"Кўрфаз етакчилари бу ҳақда кўпроқ гапиради деб кутилганди. Эҳтимол, улар Трамп билан ёлғиз қолганда кўпроқ гаплашгандир. Шахсан мен, улар ҳар бир учрашувни Ғазо қурбонлари хотирасига бағишлаб, бир дақиқа сукут сақлаш билан бошлашларини истардим," дейди Баракат.