17 октябрь куни Оқ уйда бўлиб ўтган учрашувда АҚШ президенти Дональд Трамп Украина етакчиси Владимир Зеленскийга Киевга узоқ масофали Tomahawk ракеталарини етказиб бериш ниятида эмаслигини айтди.
Бу ҳақда Axios нашрига учрашувдан хабардор икки манба маълум қилган.
Уларнинг сўзларига кўра, Трамп ҳозир унинг устувор йўналиши дипломатия эканлигини ва унинг фикрича, Tomahawkни етказиб бериш бу саъй-ҳаракатларга путур етказиши мумкин.
Манбалардан бири учрашув “оғир бўлганини” таъкидлаган бўлса, иккинчиси шунчаки “ёмон бўлди” деб айтди.
"АҚШнинг можарони дипломатик йўл билан ҳал қилиш бўйича ҳозирги таклифи урушни фронт чизиғини музлатиш орқали тугатишдир", деб таъкидлайди манба.
Трамп Truth Socialдаги постида можарони музлатиш ҳақида ҳам айтиб ўтган.
"Россия ва Украина турган жойида тўхташлари керак. Иккала томон ҳам ғалаба қозонсин, тарих ҳукм қилсин”, - дея таъкидлади АҚШ президенти.
Янгиланган Cobalt'нинг нархи эълон қилинди
Дунёдаги энг қашшоқ давлатлар
Эрдўған туркий халқлар, жумладан ўзбекларнинг ҳаётини енгиллаштирмоқчи
