АҚШ президенти Зеленскийни "кўп нарсани бошидан кечирган жуда кучли етакчи" деб атади ва "биз бир-биримизни жуда яхши тушунамиз", деди. Шунингдек, у Зеленскийнинг костюмини мақтади: "Сиз бу костюмда жуда зўр кўриняпсиз — жуда замонавий".
Доналд Трампнинг бошқа баёнотлар:
◾️ Кеча Путин билан ўтказган телефон орқали мулоқотимни Зеленский билан муҳокама қиламан;
◾️ Владимир Путин урушни тугатмоқчи. Президент Зеленский ҳам урушнинг тугашини истайди. Энди биз буни амалга оширишимиз керак;
◾️ Россия ҳудудининг ичкарисига зарба бериш эскалация ҳисобланади, бироқ бу масалани Зеленский билан муҳокама қиламиз;
◾️ Венгриядаги Россия–АҚШ саммити икки томонлама форматда ўтказилади, аммо Зеленский мен билан алоқада бўлиб туради;
◾️ Венгрия Путин билан учрашувимиз учун энг мақбул ва хавфсиз мамлакат;
◾️ Украинада ҳам Яқин Шарқдагидек тинчликка эришишимиз лозим;
◾️ Бизга Tomahawk'лар ва Украинага юборилаётган бошқа кўплаб қуроллар керак. Бу урушни тугатишни исташимизнинг сабабларидан бири. Умид қиламанки, биз Tomahawk'лар ҳақида ўйламасдан ҳам бу урушни тугата оламиз. Биз бунга жуда яқинмиз;
◾️ АҚШ Украинадан дронлар сотиб олишдан манфаатдор. Аммо ҳеч нарса қирувчи самолётлар билан тенглаша олмайди;
◾️ Хитойга қарши янги бож ставкаларини жорий этиш ҳақида ўйлаяпман. 1 ноябрдан кучга кирадиган божлар 100 фоиз ўрнига 157 фоиз бўлиши мумкин;
◾️ Ҳиндистон энди Россия нефтини сотиб олмайди;
◾️ Испания ҳеч қасон NATO'га содиқ бўлмаган. Менимча, унга танбеҳ бериш керак.
Янгиланган Cobalt'нинг нархи эълон қилинди
Дунёдаги энг қашшоқ давлатлар
Эрдўған туркий халқлар, жумладан ўзбекларнинг ҳаётини енгиллаштирмоқчи
