АПЛ. Абдуқодир Ҳусановнинг энг қиммат футболчилар рейтингидаги ўрни аниқ бўлди

Transfermarkt портали Англия Премьер-лигаси футболчилари қийматини янгилади.

Рейтингнинг биринчи поғонасини 200 миллион евро нарх билан «Манчестер Сити» ҳужумчиси Эрлинг Холанд эгаллади.

Иккинчи ўринни «Арсенал» вингери Букайо Сака ва «Ливерпуль» форварди Александр Исак банд этишган — уларнинг ҳар бири 140 миллион еврога баҳоланган.

АПЛда энг арзонлашган футболчилар сифатида «Манчестер Сити» ярим ҳимоячилари Фил Фоден ва Родри қайд этилган: эндиликда Фоденнинг баҳоси 80 миллион, Родриники эса 90 миллион еврони ташкил этади.

Шунингдек, «шаҳарликлар» сафидаги яна бир футболчи — Ўзбекистон терма жамоаси ҳимоячиси Абдуқодир Ҳусанов ҳам 35 миллион евро нарх билан АПЛ футболчилари рейтингининг 45-ўринни эгаллади.