Трамп Венесуэлага қарши 2015 йилда жорий этилган санкцияларни узайтирди

АҚШ президенти Дональд Трамп Венесуэлага қарши биринчи марта 2015 йилда жорий этилган санкцияларни бир йилга узайтирди.

Бу ҳужжат Federal Register веб-сайтига жйоаштирилди.

Венесуэлага қарши санкциялар 2015 йил март ойида ўша пайтдаги 44-президент Барак Обама томонидан инсон ҳуқуқларининг бузилиши муносабати билан имзоланган фармон асосида жорий этилган. Кейинги йилларда бу санксиялар бир неча бор кенгайтирилди, кучайтирилди ва узайтирилди.

Билдиришномада айтилишича, ушбу чекловчи чораларни қабул қилишга туртки бўлган Венесуэладаги вазият "Қўшма Штатларнинг миллий хавфсизлиги ва ташқи сиёсатига фавқулодда таҳдид солиб келмоқда". "Шунинг учун мен 13692-сонли фармон билан эълон қилинган миллий фавқулодда ҳолатни узайтирмоқдаман", деб таъкидлади АҚШ раҳбари.

Билдиришномада айтилганидек, у 20 февраль куни расман эълон қилинади.

Сўнгги ҳафталарда АҚШ расмийлари Венесуэла нефть ва газ соҳасидаги ишлар билан боғлиқ кўплаб операцияларни АҚШ санкцияларидан озод қилди.