АҚШ Россия билан NATO бўйича янги келишувни муҳокама қилдими?

Зеленский АҚШ Россия билан NATO бўйича янги келишувни муҳокама қилаётганини маълум қилди

Украина президентининг айтишича, америкаликлар ҳамда баъзи европаликлар Россия билан мазкур келишувни муҳокама қилмоқда.

"Улар бу ҳужжатга доир барча масалалар ҳақида гаплашишлари мумкин. Лекин мен учун муҳим бўлган нарса шуки, улар NATO'даги потенциал ўрнимизни россияликлар билан эмас, биз билан муҳокама қилишлари керак. Чунки бу мавзу бизга алоқадор", — дея фикр билдирди Украина президенти,

Зеленский, шунингдек, Женевадаги уч томонлама учрашувга изоҳ берди. Унинг сўзларига кўра, томонлар ҳарбий йўналишда музокараларни якунлашга яқинлашганлар. Ҳарбийлар ўқ узишни тўхтатишни мониторинг қилиш миссиясини қандай ишлаб чиқиш ҳақида гаплашишган ва техник тафсилотларни муҳокама қилишган.