АҚШ президенти Доналд Трамп чоршанба куни Россия президенти Владимир Путин билан телефон орқали мулоқотда Украинадаги эҳтимолий ўт очишни тўхтатиш масаласини муҳокама қилганини маълум қилди.
"Суҳбатимиз яхши ўтди, мен Путинни анча вақтдан бери танийман", — деди Трамп Оқ уйнинг Овал кабинетида Artemis II миссияси астронавтлари билан учрашув чоғида журналистларга.
"Ўйлайманки, Путин ўт очишни тўхтатишга рози бўлади", — дея қўшимча қилди Трамп.
АҚШ президенти, шунингдек, Путин унга Эрондаги бойитилган уранни олиб чиқиш масаласини ҳал қилишда ёрдам таклиф қилганини билдирди. Бу масала Эрон билан урушни тўхтатиш бўйича келишув йўлидаги асосий тўсиқ ҳисобланади.
"Мен Путинга Украина билан урушни тўхтатишда иштирок этишингизни кўпроқ хоҳлаган бўлардим, деб айтдим", — деди Оқ уй раҳбари.
Аввалроқ Путиннинг ёрдамчиси Юрий Ушаков Россия раҳбари Трамп билан телефон мулоқоти чоғида 9 май — Ғалаба куни муносабати билан Украина билан сулҳ эълон қилишга тайёрлигини билдиргани ҳақида хабар берган эди.
«Реал» Мбаппе билан хайрлашадими?
Можтаба Хоманаий Путинга мактуб йўллагани маълум бўлди
Хитой аҳолиси Франция даражасида қисқариши мумкин: Иқтисодиёт хавф остида
