АҚШ президенти Дональд Трамп россиялик ҳамкасби Владимир Путин билан Будапештда учрашишини маълум қилди.
Трамп бу ҳақда Truth Social ижтимоий платформасида ёзди.
"Россия президенти Владимир Путин билан телефон суҳбатини ҳозиргина якунладим ва бу жуда самарали бўлди. Президент Путин мени ва АҚШни Яқин Шарқда тинчлик ўрнатишда эришилган улкан ютуқ билан табриклади. Унинг айтишича, бу асрлар давомида орзу бўлиб келган. Яқин Шарқдаги муваффақият Россия ва Украина ўртасидаги урушни тугатиш бўйича музокараларда натижаларга эришишга ёрдам беришига чин дилдан ишонаман", дейилади постда.
Трампнинг сўзларига кўра, у ва Путин Украина билан уруш тугаганидан кейин Россия ва АҚШ ўртасидаги савдо истиқболларини ҳам кенг муҳокама қилган.
"Суҳбатимиз якунида келаси ҳафтада олий даражадаги маслаҳатчиларимизнинг учрашувига келишиб олдик. Дастлабки учрашувларни Америка томонида Давлат котиби Марко Рубио олиб боради. Жой ҳозирча аниқланмаган. Кейин президент Путин ва мен келишилган жойда - Будапештда, Венгрияда учрашамиз - Россия ва Трамп ўртасидаги бу шафқатсиз урушни тўхтата оламизми ёки йўқми".
У эртага Овал кабинетда Украина президенти Владимир Зеленский билан учрашувда Путин билан суҳбати натижаларини ва бошқа кўп нарсаларни муҳокама қилади, деган хулосага келди. "Бугунги телефон қўнғироғи катта муваффақиятга эришганига ишонаман", деди Трамп.
Янгиланган Cobalt'нинг нархи эълон қилинди
Шаҳноза Мирзиёева ҳалқдан ёрдам сўради (фото)
Эрдўған туркий халқлар, жумладан ўзбекларнинг ҳаётини енгиллаштирмоқчи
