Трамп NVIDIA раҳбари лавозимига Тим Кук номзодини таклиф қилди

Бу ҳақда АҚШ етакчиси ўзининг Truth Social ижтимоий тармоғида фикр билдирди.

АҚШ президентининг фикрича, Женсен Хуанг истеъфога кетган тақдирда, компанияни бошқаришга Apple раҳбари Тим Кук муносиб.

"Энди NVIDIA бош директори Женсен Хуанг истеъфога чиққач, унинг ўрнини фақат Apple’дан Тим Кук эгаллаши мумкин. Афсона ўрнини афсона эгаллайди!," деб ёзди Америка етакчиси.

Ҳуанг компанияни 1993 йилда ташкил этилганидан бери бошқарган. У ўз лавозимини тарк этди ва директорлар кенгашидан чиқди. Бош директор вазифасини вақтинча NVIDIA молиявий директори Колетт Кресс бажаради, у ҳозирги лавозимини ҳам сақлаб қолади. Директорлар кенгаши доимий раҳбар излашни бошлади, ички ва ташқи номзодлар кўриб чиқилмоқда.

Бундан ташқари, компания тарихида биринчи марта директорлар кенгаши раисни тайинлади. У илгари Synopsys бош директори ва директорлар кенгашининг ижрочи раиси лавозимларида ишлаган тадбиркор ва инвестор Харви Жонс бўлди.

2026 йил 31 августда Тим Кук ўзининг сўнгги иш кунини Apple бош директори лавозимида ўтказди. 1 сентябрдан бошлаб бошқарув Жон Тернусга ўтди ва Кукнинг ўзи директорлар кенгаши ижрочи раиси лавозимига ўтди.