Трамп Нетаньяҳунинг ҳаракатларидан хафсаласи пир бўлмоқда

АҚШ президенти Дональд Трамп Исроил бош вазири Биньямин Нетаньяҳунинг ҳаракатларидан чуқур хафсаласи пир бўлган. Бу ҳақда Israel Hayom нашри Трампга яқин манбаларга таяниб хабар берди.

Манбалар маълумотларига кўра, Трамп ва Нетаньяҳу ўртасидаги муносабатлар жуда ёмонлашган ва тарихий паст даражага тушиб кетган.

Нашрга кўра, ёпиқ суҳбатлар чоғида Трамп Яқин Шарқда ўз ташаббусларини амалга ошириш ниятида эканини ва бу борада Исроил ҳаракатларига боғлиқ бўлиб қолишни истамаслигини таъкидлаган.

Хусусан, Саудия Арабистони билан эҳтимолий келишувлар доирасида у Исроилни асосий ҳамкор сифатида кўришни истаган. Бироқ Трампнинг фикрича, Нетаньяҳу керакли қарорларни қабул қилишни кечиктираётган бўлиб, бу жараёнга тўсиқ бўлмоқда.

Манбаларга кўра, Трамп Исроил раҳбариятининг, жумладан, Эроннинг ядровий дастурига нисбатан Вашингтондан қаттиқроқ чоралар кўришни талаб қилиб босим ўтказиш уринишларидан ҳам мамнун эмас.

Умуман олганда, ҳар икккиси Фаластин ерларидан усмидвор.