Трамп келишув бўлмаган тақдирда Эронга қарши ҳарбий ҳаракатларни қайта бошлашга рухсат берди

АҚШ президенти Дональд Трамп агар томонлар келишувга эриша олмаса, Вашингтон Эронга қарши ҳарбий ҳаракатларни қайта бошлашга тайёрлигини билдирди.

Америка етакчиси бу баёнотни Fox News телеканалига берган интервьюсида айтди.

"Менимча, биз ё ажойиб келишувга эришамиз ёки бу ҳарбий йўл билан якунлаймиз", деди Трамп.

Унинг таъкидлашича, музокаралар аста-секин ривожланмоқда ва АҚШ дипломатик йўллар билан керакли натижаларга эришишни кутмоқда.

"Секин-аста, лекин шубҳасиз, биз керакли нарсага эришмоқдамиз деб ўйлайман. Агар биз бунга эриша олмасак, буни бошқа йўл билан тугатамиз", деб таъкидлади Оқ уй раҳбари.

Шу билан бирга, Трамп Теҳрон билан келишувга эришишни афзал кўришини таъкидлади.

"Мен келишувни афзал кўраман", деб қўшимча қилди АҚШ президенти.