АҚШ президенти Доналд Трамп Канада 51-штатга айланиши керак деб ҳисоблайди. Унга кўра, АҚШ ҳар йили Канада билан савдода 200 миллиард доллар зарар кўрмоқда.
«Менинг фикримча, агар Канада бизнинг 51-штатимиз бўлса, бу анча яхши бўларди. Чунки биз ҳар йили Канада туфайли 200 миллиард доллар йўқотамиз. Мен бунга чек қўяман. Нега биз Канадани бундай катта миқдорда молиялаштиришимиз керак?» — деди Трамп Fox News интервьюсида.
🇲🇽🇨🇦 У, шунингдек, Канада ва Мексиканинг божхона тарифлари борасидаги сиёсатидан норозилигини билдирди:
«Йўқ, бу етарли эмас. Нимадир ўзгариши керак. Бу давом эта олмайди ва мен буни ўзгартираман.»
Канада ва Мексика Трамп томонидан жорий қилинган савдо тарифларига жавобан АҚШга қарши санкциялар киритди. Ушбу жавоб чораларидан айниқса асосий республикачи штатлар зарар кўрмоқда, бу эса иқтисодий барқарорликка таҳдид солиб, нархларнинг кескин ошишига олиб келиши мумкин.
Трамп аввал ҳам Канадани АҚШнинг 51-штати деб атаган эди.
Канада бош вазири Жастин Трюдо эса бунга қатъий қарши чиқиб:
«Канаданинг АҚШ таркибига кириш эҳтимоли мутлақо йўқ», — деб жавоб берган.
Бунга жавобан Трампнинг маслаҳатчиси Илон Маск Трюдони «қизча» ва «собиқ Канада губернатори» деб мазах қилган.
Канада илгари ҳам АҚШ билан савдо можароларига дуч келган. 2018 йилда у Кентукки вискиси устидан бож жорий этган, бу эса Шимолий Америка эркин савдо келишувининг қайта кўриб чиқилишига сабаб бўлган эди.
Геологлар улкан олтин захирасини топиб олди
Тарихий воқеа: Украина осмонига француз қирувчи самолётлари етиб келди
Россия Хитойнинг геосиёсий рақибига илғор Су-57 қирувчи самолётини таклиф қилди
