Малайзия Бош вазири: Туркия геосиёсий кучга айланди

Туркия жаҳон саҳнасида ўз таъсирини сезиларли даражада ошириб, геосиёсий кучга айлана олди. Бу ҳақда Малайзия бош вазири Анвар Иброҳим маълум қилди.

Ҳукумат раҳбари, Президент Ражап Таййип Эрдоғанга Перак султони Назрин Шоҳ томонидан фахрий доктор унвони топширилган маросимда сўзлади. Тадбир Малайзия пойтахти Куала-Лумпурдаги Путража халқаро анжуманлар марказида бўлиб ўтди.

Анвар Иброҳим, “Туркия миллий ўзлигини, нуфузини сезиларли даражада оширган ва геосиёсий кучга айланган давлатдир” деди.

Бош вазир, Президент Ражаб Тоййиб Эрдўғаннинг саъй-ҳаракатлари туфайли Туркия бугун ҳар қачонгидан ҳам кучлироқ эканини қайд этди.