АҚШ президенти Дональд Трамп Вашингтон Эронга нисбатан ҳаракатларини якунлаганидан сўнг Куба билан шуғулланишни режалаштираётганини билдирди. У шунингдек, Америка ҳарбий кемаларини орол қирғоқларига юбориш эҳтимолини ҳам истисно қилмади.
Америка етакчиси бу ҳақда Флорида штатида ўз тарафдорлари билан учрашувда сўзлади.
Трамп ўз маъмурияти АҚШ Қуролли кучларига рекорд даражадаги — 1 триллион доллар маблағ ажратганини таъкидлади.
«Бизда дунёдаги энг яхши ҳарбий техника бор. Буни Венесуэладаги воқеалар давомида кўрдингиз. Эрон ҳам бизда энг яхши ҳарбий техника борлигини айтиб беради. Энди Куба-чи? Хавотир олманг. Эрондан қайтаётганимизда Куба билан шуғулланамиз, у ерда бироз тўхтаб ўтамиз», — деди у.
АҚШ президенти, шунингдек, Куба қирғоқларига ҳарбий кемалар юборилиши мумкинлигини ҳам айтди.
«Улар қўлларини кўтаришади, шундан кейин биз [АҚШ давлат котиби] Марко Рубиони юбориб, ишни охирига етказамиз. Ҳатто тўхтаб ўтишимиз ҳам шарт эмас. Уни шунчаки ўша ерга юборишимиз мумкин, у ҳаммасини ўзи ҳал қилади», — дея қўшимча қилди Трамп.
Зеленский Украина ҳудудининг бир қисмидан воз кечишга олиб келадиган тинчлик келишувига рози бўлиши мумкин
Биргина сурат махфий режани тасодифан ошкор қилди. 5 кун ичида нималар бўлди?
Месси — учинчи, Ямал — иккинчи: "Олтин тўп" учун асосий фаворит номи маълум бўлди
