Трамп: "Эрон ядровий дастурини текширишга рози бўлмади"

Эрон ўз ядровий дастурини текширишга рози бўлмади ва уранни бойитишдан воз кечмади, деди АҚШ президенти Дональд Трамп президентнинг Air Force One самолёти бортида. Бу ҳақда CNN хабар бермоқда.

Трампнинг сўзларига кўра, Эроннинг ядровий фаолияти тўхтатилган, бироқ мамлакат дастурни бошқа жойда давом эттириши мумкин.

Унинг қайд этишича, агар Эрон ядровий қурол ишлаб чиқаришни бошласа, жиддий муаммо юзага келади. "Биз бунга йўл қўймаймиз", деб таъкидлади АҚШ президенти.

Шунингдек, Трамп келаси ҳафта бўлиб ўтадиган учрашувда Исроил бош вазири Беньямин Нетаньяху билан Эрон масаласини муҳокама қилиш ниятида эканини айтди.