АҚШ президенти Дональд Трамп Туркия президенти Ражаб Тоййиб Эрдоған билан бўлажак Туркий давлатлар ташкилоти (ТДТ) саммити муносабати билан телефон орқали мулоқот қилди.
Бу ҳақда Туркия президенти маъмуриятининг Коммуникациялар бошқармаси маълум қилган.
Қайд этилишича, телефон мулоқоти 29 октябрь куни Туркияда Республика куни муносабати билан ташкил этилган ва ТДТга аъзо давлатлар раҳбарлари иштирок этган кечки овқат вақтида бўлиб ўтган.
Суҳбат давомида Эрдоған америкалик етакчига кечки овқатда иштирок этган давлат раҳбарларининг саломларини етказган.
Туркия президенти ТДТнинг XIII саммити Анқара шаҳрида ўтказилишини маълум қилган. Унинг сўзларига кўра, учрашувда аҳолиси 200 миллиондан ортиқ бўлган Марказий Осиё минтақасида барқарорлик ва хавфсизлик таянчига айланган ташкилотни янада ривожлантиришга хизмат қилувчи қарорлар қабул қилинади.
Ўз навбатида, Трамп Эрдоғанга Туркий давлатлар ташкилоти раҳбарлари саммитини ўтказишда муваффақият тилаган.
Сунъий интеллект дунёдаги энг қиммат сурат муаллифлигини шубҳа остига қўйди
1-ноябрдан иссиқ сув ва иссиқлик энергияси нархлари 30% га ошади
Эстонияда асфальт тугади
