"Реал" ҳужумчиси Килиан Мбаппенинг Хитойнинг собиқ раҳбари Мао Цзэдун ҳақидаги сўзлари йирик халқаро можарога сабаб бўлди.
Француз футболчиси интервью давомида ўзи Мао Цзэдун қиёфасида тасвирланган мем ҳақида гапириб, уни "Хитой диктатори" деб атаган эди.
Бу баёнот Хитойда кескин норозиликларга олиб келди. Dongpeng, Mengniu ва Milkground каби йирик компаниялар Мбаппе билан реклама ҳамкорлигини тўхтатди. Хитой давлат телерадиокомпанияси эса Ла Лига учрашувлари трансляциясини вақтинча тўхтатишга қарор қилди.
Мамлакат Ташқи ишлар вазирлиги ҳам можарога муносабат билдирди.
"Хитой халқининг ҳис-туйғуларини ҳақорат қиладиган сўзлар ва ҳаракатлар, табиийки, жамиятнинг барча қатламлари томонидан биргаликда қаршиликка учрайди", — дейилади баёнотда.
Вазиятдан сўнг "Реал" расмий узр сўради.
"Клубимиз Хитойга, унинг тарихи, маданияти ва фуқароларига чуқур ҳурмат билан қарайди", — дейилади мадридликлар баёнотида.
Мбаппенинг ўзи ҳам сўзлари учун узр сўради. Хитой ТИВ футболчининг узри жиддий қабул қилинганини маълум қилди.
Бироқ China Media Group трансляциялар бўйича чекловларни бекор қилиш учун кўрилган чоралар етарли бўлиши кераклигини таъкидламоқда.
Шу тариқа, Мбаппенинг биргина баёноти унинг Хитойдаги тижорий ҳамкорликларига ва Испания футболи трансляцияларига жиддий таъсир кўрсатди.
Сунъий интеллект дунёдаги энг қиммат сурат муаллифлигини шубҳа остига қўйди
«Олтин тўп» сайти ғолиблар ҳақидаги мақолаларни адашиб эълон қилиб юборди (фото)
Илон Маскнинг Украинага муносабати кескин ўзгарди
