Трамп чуқур денгиз конларини қазиб олиш бўйича фармонни имзолади

АҚШ президенти Дональд Трамп денгиз тубидаги минерал ресурсларни қазиб олишни ривожлантириш тўғрисидаги фармонни имзолади.

Тегишли ҳужжат Оқ уй сайтида эълон қилинган.

"Улкан денгиз ҳудудларида муҳим минерал ва энергетика ресурслари мавжуд. Бу ресурслар иқтисодиётимизни мустаҳкамлаш, энергия келажагимизни таъминлаш ва муҳим фойдали қазилмаларни хориждан етказиб берувчиларга қарамликни камайтиришнинг калитидир", дейилади буйруқда.

“Мамлакатимиз денгиз тубидаги минерал ресурсларни масъулият билан ўзлаштиришни жадаллаштириш, денгиз тубидаги минерал ресурсларнинг миқдорини аниқлаш, тоғ-кон ва қайта ишлаш технологиялари бўйича Америка етакчилигини тиклаш, мудофаа, инфратузилма ва энергетика соҳаларимиз учун ишончли таъминот занжирларини таъминлаш учун зудлик билан чора кўриши керак”, дейилади ҳужжатда.

Апрель ойи бошида Трамп Қўшма Штатлар катта ҳажмдаги муҳим минераллар ва ноёб тупроқ металларини ишлаб чиқаришга қодирлигини айтган эди.