АҚШ Президенти Дональд Трамп собиқ президент Жо Байден маъмуриятини Украинага ҳарбий ёрдам бериш орқали Америка армияси захираларини хавф остига қўйганликда айблади. Бу ҳақда у "Real America's Voice" радиостанцияси эфирида гапирди.
Трампнинг сўзларига кўра, ҳозирда АҚШ армиясида ўқ-дорилар етарли, бироқ Украинага 300 миллиард долларлик қурол-яроғ ўтказиб берилгани сабабли захиралар кутилганидан анча кам бўлиши мумкин.
Вазиятнинг жиддийлигини бошқа нуфузли нашрлар ҳам тасдиқламоқда. Хусусан, The New York Times манбалари Эронга қарши операциялар туфайли АҚШ қурол захиралари муҳим даражага тушиб қолганини хабар қилди. Ҳозирда мамлакатда 1700 тадан кам "Patriot" тутувчи ракетлари қолган ва арсенални қайта тўлдириш учун икки йилдан ортиқ вақт талаб этилиши мумкин.
The Washington Post нашри эса Дональд Трамп ушбу ўқ-дорилар тақчиллиги бўйича Пентагон раҳбари Пит Хегсетдан зудлик билан тушунтириш талаб қилгани ва Мудофаа вазирлиги раҳбарияти иштирокида фавқулодда йиғилиш ўтказгани ҳақида ёзди.
Роналдунинг тўйида онаси қатнашмади
Cobalt’нинг Ўзбекистондаги сотувлари 2 бараваргача тушиб кетди
Мен Хитой-Қирғизистон-Ўзбекистон темир йўли қурилиши учун Путиннинг розилигини олганман – Садир Жапаров
