Роналдунинг тўйида онаси қатнашмади

Криштиану Роналду 41 ёшида Жоржина Родригес билан оила қурди. Юлдузли жуфтлик деярли ўн йиллик муносабатлардан сўнг ўз никоҳларини расмийлаштирди.

Jornal de Noticias нашрининг Brunswick Group манбасига таяниб хабар беришича, никоҳ маросимида Роналду ва Жоржинанинг беш нафар фарзанди иштирок этган. Шунингдек, меҳмонлар орасида Криштианунинг ёшликдаги дўсти — Мигел Пайшау, Жоржинанинг синглиси Ивана, испаниялик заргар Хосе Родригес Сангиль ва унинг рафиқаси бўлган.

Таъкидланишича, тўйда Криштиану Роналдунинг онаси — Долореш Авейру иштирок этмаган. Маросимда футболчининг ака-ука ва опа-сингиллари ҳам бўлмаган. Бироқ бунинг ҳеч қандай низо ёки келишмовчиликка алоқаси йўқлиги айтилмоқда.