Трамп АҚШда SIF номли янги тузилма ташкил этди. У қандай тузилма?

Трамп АҚШда «Суперинтеллект кучлари» тузилганини эълон қилди.

АҚШ президенти Дональд Трамп мамлакатда «Суперинтеллект кучлари» (SIF) номли янги тузилма ташкил этилганини маълум қилди.

Янги тузилмага АҚШ Миллий разведка директори Жей Клейтон раҳбарлик қилади. Унинг асосий вазифаси — ҳукуматнинг сунъий интеллект соҳасида иш олиб бораётган турли ташкилотлар ва компаниялар билан ҳамкорлигини мувофиқлаштириш.

Трампнинг айтишича, SIF АҚШнинг сунъий интеллект соҳасидаги етакчилигини таъминлашга қаратилган.

Янги тузилма фақат AI компаниялари билан эмас, балки:

• давлат органлари;

• жамоат манфаатларини ҳимоя қилувчи гуруҳлар;

• диний ташкилотлар;

• муҳим инфратузилма компаниялари;

• сунъий интеллект соҳасида ишлайдиган компаниялар билан ҳам ҳамкорлик қилади.

Тузилма бошқарувида Жей Клейтондан ташқари АҚШ Федерал савдо комиссияси комиссари Эндрю Фергюсон ва бошқа расмийлар ҳам иштирок этади.

Бу қарор Трампнинг сентябрь ойи охирида имзолаган фармонидан кейин қабул қилинди. Унда АҚШ давлат идораларига сунъий интеллектни «суперинтеллект» деб аташ кўрсатилган.

Шу билан бирга, Оқ уй сунъий интеллектнинг имкониятлари ва хавфларини ўрганиш учун 120 кун ичида ҳисобот тайёрлайдиган ишчи гуруҳ ҳам тузмоқда.