Трамп Anthropic раҳбари билан сунъий интеллектни тартибга солиш масаласини муҳокама қилади

АҚШ президенти Дональд Трамп сунъий интеллект соҳасидаги Anthropic компанияси бош директори Дарио Амодей билан учрашади. Бу ҳақда Bloomberg агентлиги манбаларига таяниб хабар берди.

Учрашувда сунъий интеллектни ривожлантириш ва уни тартибга солиш масалалари муҳокама қилиниши кутилмоқда. Амодей хавфсизлик нуқтаи назаридан янада кучли сунъий интеллект моделларини ишлаб чиқишни секинлаштириш зарурлигини таъкидлаб келган.

Трамп эса сунъий интеллект соҳасидаги ривожланишни чеклаш ёки секинлаштиришга қарши позицияда. Маълумотларга кўра, Амодей Трамп билан якшанба куни кечқурун кечки овқат устида учрашади.