Сербия президенти Александр Вучич мамлакатда бўлиб ўтадиган муддатидан олдинги парламент сайловларида иштирок этиш ва бош вазирлик лавозими учун курашиш мақсадида истеъфога чиққанини маълум қилди.
Вучич аввалроқ парламентни тарқатиб юборган ва навбатдан ташқари сайловларни 25 октябрга белгилаган эди. Ҳукмрон Сербия Тараққиёт партияси Вучич «Бирлашган Сербия» рўйхатига бошчилик қилишини тасдиқлади.
Вучичнинг президентликдаги иккинчи муддати 2027 йил ўртасида тугаши керак эди. Сербия Конституциясига кўра, бир шахс президентлик лавозимини икки муддатдан ортиқ эгаллай олмайди.
У 2025 йил август ойидаёқ истеъфога чиқиш режасини маълум қилган эди. Бу Нови-Сад шаҳрида реконструкция қилинган темирйўл вокзали пештоқининг қулаб тушиши оқибатида 16 киши ҳалок бўлганидан кейин бошланган оммавий намойишлар фонида юз берган. Намойишчилар Вучич ва унинг атрофидаги шахсларни коррупция, уюшган жиноятчилик билан алоқалар ҳамда сиёсий мухолифатга босим ўтказишда айблаган.
Россияда бир ҳафта ичида касалланганлар сони қарийб 1 миллионга етди
10 йилдан бери қидирувда бўлган ўзбекистонлик ИШИДчи, «Чойхона» раҳбари АҚШга экстрадиция қилинди
Нетаняху нутқи пайтида зални тарк этган давлатлар рўйхати
