Эрон АҚШ билан музокараларга ҳам, янги ҳарбий можарога ҳам тайёр

Эрон ташқи ишлар вазири Аббос Ароқчининг билдиришича, Теҳрон АҚШ билан дипломатик музокараларга ҳам, эҳтимолий янги ҳарбий тўқнашувга ҳам тайёр.

Ароқчи NBC телеканалига берган интервьюсида, агар АҚШ томонидан янги тажовуз бошланса, Эрон ҳар қандай можарога қарши туришини айтди. Унинг таъкидлашича, янги ҳарбий зиддият аввалгидек натижасиз якунланиши мумкин.

Шу билан бирга, Эрон дипломатик йўл билан келишувга эришишга тайёрлигини билдирмоқда. Бироқ Теҳрон музокараларни давом эттириш учун АҚШдан Эрон томони таклиф қилган етти банддан иборат режани қабул қилишни кутмоқда.

Ароқчининг сўзларига кўра, Эрон Ормуз бўғозини очиш бўйича таклифини воситачилар орқали Вашингтонга етказган. АҚШ президенти Дональд Трамп эса мазкур таклифни рад этганини маълум қилган.