Ўзбекистон кўчмас мулк нархи арзонлаган. Бу ҳақда Иқтисодий тадқиқотлар ва ислоҳотлар маркази хабар берди.
Октябрь ойида рўйхатга олинган кўчмас мулк олди-сотди битимлари сони сентябрь ойига нисбатан 0,6%га ошиб, 21,4 мингтани ташкил этган.
Октябрь ойида кўчмас мулк бозорида битимлар сони ҳудудлар кесимида Тошкент вилоятида (+10%), Қорақалпоғистон Республикаси (+8,1%) ва Жиззах вилоятида (+7,5%) сезиларли ўсган.
Иккиламчи уй-жойларнинг энг арзон нархи Қорақалпоғистон Республикасида кузатилиб, бир квадрат метр учун ўртача нарх 328 долларни ташкил этди.
Уй-жой ижараси нархи Тошкент шаҳрида йил давомида 12%дан кўпроқ тушди. Энг катта пасайиш Яшнобод — 18%, Сергели — 17% ва Мирзо-Улуғбек — 15,2% туманларида қайд этилди
