Тошкентда "Умра плюс" ассоциацияси ташкил этилди

Янги ташкилот Индонезия ва Малайзия каби давлатлардан Саудияга Умрага борувчи зиёратчиларни Ўзбекистон орқали олиб ўтиш билан шуғулланади.

Зиёратчилар Макка ва Мадинага боришдан олдин ёки кейин Тошкент, Самарқанд ва Бухоронинг тарихий қадамжоларини зиёрат қилишади.

Ҳукумат қарорига кўра, Малайзия ва Индонезиядан "Умра плюс" дастури билан сайёҳ олиб келган туроператорларга ҳар бир зиёратчи учун давлат томонидан $100 дан субсидия берилади.