Тошкент вилоятида хотинини калтаклаб ўлдирган эркакка суд ҳукми ўқилди

Тошкент вилоятининг Оққурғон туманида турмуш ўртоғининг ўлимига сабаб бўлган эркак суд ҳукми билан узоқ муддатга қамалди.

Гап шундаки, 37 ёшли эркак оилавий жанжал сабаб 24 ёшли турмуш ўртоғининг соғлигига жиддий таъсир кўрсатадиган даражада дўппослаган. Келин комага тушиб қолган ва шифохонага ётқизилган. Бироқ кўрсатилган тиббий муолажаларга қарамасдан ҳаётдан кўз юмган.

Марҳуманинг бир ёшли фарзанди бўлган.

Эркак судда Жиноят кодексининг 126-1-моддаси 6-қисми «б, г» бандлари (Оилавий зўравонлик, жабрланувчининг ўлимига сабаб бўладиган тан жароҳати етказиш) билан айбдор деб топилган ва 12 йилга озодликдан маҳрум қилинган.