Тошкент шаҳрининг айрим ҳудудларида газ таъминоти вақтинча тўхтатилди

Тошкент шаҳар Яшнобод тумани Содиқ Азимов кўчасидаги газ қувурига экскаватор томонидан шикаст етказилган.

Оқибатда қуйидаги ҳудудларда газ таъминоти вақтинча тўхтатилди:

• Миробод тумани: Нукус кўчаси 16 та кўп қаватли уйлардаги 300 та хонадон; Кичик ҳалқа йўлида 8 та кўп қаватли уйлардаги 120 та хонадон; Яҳё Ғуломов кўчасида 2 та кўп қаватли уйлардаги 110 та хонадон;
• Мирзо Улуғбек тумани: С-1 2 та кўп қаватли уйлардаги 100 та хонадон, 2 та улгуржи истеъмолчи;
• Яшнобод тумани: 34 та кўп қаватли уйлардаги 1116 та хонадон; 150 та ерли хонадон, 65 та улгуржи истеъмолчи;
• Юнусобод тумани: С-4 40 та кўп қаватли уйлардаги 1600 та хонадон; Каблуков кўчасида 3 та кўп қаватли уйлардаги 200 та хонадон.

Айни вақтда «Ҳудудгаз Пойтахт» ГТФнинг авария бригадаси томонидан таъмирлаш ишлари олиб борилмоқда. Таъмирлаш ишлари якунлангандан кейин истеъмолчиларни огоҳлантирган ҳолда табиий газ таъминоти қайта тикланади.