Украина жангчилари Курск вилоятида Шимолий Кореянинг икки аскарини асирга олди, деди Украина президенти Владимир Зеленский.
"Жангчиларимиз Курск вилоятида Шимолий Кореядан келган ҳарбийларни асирга олишди. Улар яраланган бўлишига қарамай, омон қолган икки аскар бўлиб, Киевга олиб келинган ва ҳозирда Хавфсизлик хизмати терговчилари билан суҳбатлашмоқда," - деди Зеленский.
Украина раҳбарининг таъкидлашича, "бу вазифа осон эмас эди, чунки одатда россияликлар ва Шимолий Кореядан келган бошқа ҳарбийлар ўз ярадорларини ўлдирадилар ҳамда КХДРнинг Украинага қарши урушда иштирок этганини исботловчи далиллар қолмаслиги учун барча чораларни кўрадилар."
"Ушбу икки кишини асирга олган УҚК Махсус операциялар кучлари 84-тактик гуруҳи жангчиларига ва десантчи аскарларимизга миннатдорчилик билдираман. Барча асирларга кўрсатилгани каби, Шимолий Кореядан келган бу икки аскарга ҳам зарур тиббий ёрдам кўрсатилмоқда," - деб таъкидлади Зеленский.
Россияда ўлганлар сони рекордми?
Алишер Қодиров Қонунга қарши овоз берган ҳамкасбларига мурожаат қилди: “Истеъмолчининг 3 тадан 2 таси ёшлар. Ярми қизлар”
Менга қанча пенсия чиқар экан? ёки бўлажак пенсионерларга тавсиялар
