Тожикистонда зилзила 17 та уйга зарар етказди

Тожикистоннинг Рашт вилоятида аввалроқ содир бўлган зилзила натижасида 17 турар-жой биноси қисман вайрон бўлган.

Бу ҳақда Тожикистон ҳукумати ҳузуридаги Фавқулодда вазиятлар ва фуқаролик мудофааси қўмитасининг Инқирозларни бошқариш маркази маълум қилди.

"Дастлабки маълумотларга кўра, Рашт вилоятининг тўртта қишлоғида 17 та уй қисман шикастланган, қурбонлар йўқ", — дейилади хабарда.

Зилзила эпицентри – Рашт вилоятида зилзила кучи 5 баллни, Душанбеда 3 баллни ташкил этгани аниқланган.

Воқеа жойида фавқулодда вазиятлар оқибатларини бартараф этиш ишлари олиб борилмоқда.

Эслатиб ўтамиз, бугун бир неча соат аввал Тожикистонда 5,9 магнитудали зилзила содир бўлган эди.