Тожикистоннинг АҚШдаги элчиси Завки Завкизода SpaceX компаниясининг Starlink лойиҳасини ривожлантириш ва бозорларга чиқиш масалалари бўйича директори Жулия Греблахер билан учрашув ўтказди.
Тожикистоннинг АҚШдаги элчихонаси хабар беришича, томонлар телекоммуникация ва сунъий йўлдош интернети соҳасида ҳамкорликни кенгайтириш истиқболларини муҳокама қилганлар.
"Учрашув давомида томонлар Тожикистон Республикаси ва SpaceX компанияси ўртасидаги ҳамкорликни, жумладан, телекоммуникация ва сунъий йўлдош интернети соҳаларида кенгайтириш билан боғлиқ масалаларни муҳокама қилдилар", — дейилади дипломатик ваколатхона хабарида.
Starlink тармоғини ишга тушириш бўйича амалдаги тадбирлар режасини амалга ошириш, шунингдек, тармоққа уланиш нуқталари (Edge Point of Presence, PoP) инфратузилмасини ривожлантиришга алоҳида эътибор қаратилди.
Учрашув иштирокчилари, шунингдек, келгусидаги ўзаро манфаатли ҳамкорлик истиқболлари бўйича ҳам фикр алмашдилар.
Ўзбекистондан учган иккита самолёт ва яна 370 дан ортиқ бошқа рейслар дрон таҳдидлари туфайли Москвага қўна олмади
Шоҳжаҳон Эргашевнинг Тошкентдаги жанги жанжал билан ниҳоясига етди
40 млн одам Жанубий Осиёдан кўчишга мажбур бўлиши мумкин
