Тарихда илк бор ўзбекистонлик спортчи Дана Уайтнинг шапалоқлар Лигаси — Power Slap'да қатнашади!

Эртага Бирлашган Араб Амирликларининг Дубай шаҳрида Power Slap 16 турнири ўтказилади.

Аҳамиятлиси, унда ўзбекистонлик атлет Диёрбек Отажонов ҳам иштирок этади.

Бунгача ММА, жиу-житсу ва спорт курашлари билан шуғулланиб келган Отажоновга Power Slap 16 турнирида америкалик Колтин Коул рақиблик қилади. Коул бунга қадар шапалоқлар Лигасида иккита жанг ўтказиб, битта ғалаба ва битта мағлубият қайд этган.

Диёрбек эса ўзбекистонликлар ичида биринчи бўлиб, мазкур Лигада дебют қилади. Мусобақа эртага Тошкент вақти билан 21:00 да бошланади.