Мадрид чеккасида Виктор Януковичнинг собиқ маслаҳатчиси Андрей Портнийнинг ўлдирилишига гувоҳ бўлганлардан бири "Атлетико" футбол клуби бош мураббийи Диэго Симеоне эканлиги маълум бўлди.
Симеоне билан бирга унинг рафиқаси Карла Перейра ҳам воқеага гувоҳ бўлган. Айнан у журналистларга бўлиб ўтган ҳодиса ҳақида сўзлаб берган.
"Бу барчамиз учун жуда оғир вақт эди. Тўғриси, биз учун болаларга ғамхўрлик қилиш ва уларни ҳимоя қилиш муҳим," - дея воқеани изоҳлади у MF Talent and Innovation Awards маросимида.
Портнов 21 май куни эрталаб маҳаллий вақт билан соат 9:15 атрофида Мадрид яқинидаги Посуэло-де-Аларкон элита туманида, у болаларини олиб борган Америка мактаби дарвозаси олдида отиб ўлдирилган. Полиция маълумотларига кўра, Портновга тўртдан еттигача ўқ узилган, жумладан, орқадан бошига ўлдирадиган ўқ теккизилган, кўкрак, қорин ва биқинига жароҳат етказилган. Ҳужумда икки ёки уч киши иштирок этгани тахмин қилинмоқда. Қотиллардан бири, эҳтимол, Портновни мотоциклда пойлаб турган ва ҳужумдан сўнг қочиб кетган.
Испания полицияси бир нечта тахминни кўриб чиқмоқда: уюшган жиноятчилик, молиявий қарзлар ёки шахсий адоватлар билан боғлиқ буюртма қотиллик, шунингдек, Портновнинг ўтмиши сабабли юзага келган сиёсий сабаб ҳам бўлиши мумкин.
Эрон жасорат кўрсатмоқда
Фермер "ер ковлаб," ўз майдонидан олтин топди
F-35 энди яширина олмайди! Россия ва Хитой радарлари америкалик қирувчиларни аниқлаяпти
