Сурхондарёдаги сув ҳавзаларидан бири нефтга ўхшаш модда билан ифлосланди

Қумқўрғон тумани ҳудудидан оқиб ўтаётган Сурхондарёда ранги ўзгарган, нефть аралаш лойқа сув оқими қайд этилди.

Дастлабки маълумотларга кўра, бу ҳолат Бойсун туманидаги сел оқимлари натижасида техноген кон атрофидаги нефть сизиб чиқиши билан боғлиқ бўлиши мумкин.

Айтилишича, сел оқими нефть сақланган сунъий омборга зарар етказган бўлиши эҳтимолдан холи эмас.

Экология бошқармасига кўра, нефть аралаш оқим Бандихон орқали Қумқўрғон туманигача етиб келган.

Ҳозирда сувдан намуналар олинган ва ҳолат юзасидан комплекс ўрганиш ишлари олиб борилмоқда.